Dominus Tecum. Benedicta tu in mulieribus, et benedictus fructus ventris tui

Unang Pagbasa:        Sofonias 3:14-18

Mabuting Balita:        Lucas 1:39-45

Sa tuwing dinadasal ang Ave Maria, binanggit ni Elisabet ang "Ang Panginoon ay sumasaiyo. Bukod na pinagpala sa babaing lahat at pinagpala naman ang iyong nasa sinasasapunan." Marahil, ito ay isang tanda na si Maria ay pinagpala nga sa lahat ng mga babae sa buong daigdig sapagkat nasa kanyang sinapupunan ang manunubos, si Hesus na ating kapatid.

Ang pagdalaw ni Santa Maria kay Elisabet ay nasa ikalawang Misteryo ng Tuwa ng Rosaryo. Atin ding ipinadiriwang ang Kapistahang nito tuwing katapusan ng Mayo (May 31), ang araw na kung saan ako ay sinalubong ng Sambayanan Kristyano bilang kaanib nito sa Parokya ng Invencion de la Santa Cruz sa maliit ng bayan ng Alitagtag, Batangas.

“Sino ba naman ako para dalawin ng ina ng aking Panginoon?” Tuwang-tuwa si Elisabet nang makita niya si Maria at gayundin ang kanilang mga sanggol na sina Juan at Jesus. Oo nga, sino ba naman si Elisabet para dalawin ni Maria. Ano pa ba, edi pinsan ni Elisabet si Maria.

Sa pagpasok ni Maria sa Tahanan, siya ay sinalubong ni Zacarias sa pamamagitan ng isang yakap dahil hindi maka-imik si Zacarias sa balitang kanyang natanggap mula sa anghel na sila ni Elisabet ay pagkakalooban ng Diyos ng isang Anak. Si Elisabet ay isang baog na matandang babae (mga nasa 70’s-80’s) at si Maria ay nasa kanyang Puberty Stage (12-15 taong gulang).

Reflective Questions:

1.    Sa panahon natin ngayon, handa ba nating tanggapin si Maria bilang ating panauhin?

2.    Handa ba nating tanggapin si Maria bilang bukod na pinagpala sa lahat ng babae?

3.    Para sa mga hindi Katoliko, handa ba ang ating kalooban na tanggapin si Maria bilang Ina ng Diyos? Kung hindi, ano ang malalim na dahilan? (Wag sumagot na hindi sya karapat-dapat. Panis na yang sagot na iyan.)

    

    ToFAD, 2017